Chisto è ‘o paese antico
addò nasceva ‘a rota.
Tutta ‘a zona ‘e S. Lucia.
chieni chieni erano i giardini.
A’ rota, a croce, ‘o ngino e quatto race,
‘a canapa, ‘o filato, ‘o spago e ‘a fune
‘a pigna, ‘o jacq, ‘a panzera e ‘o naspaturo
fissati là miezzo ‘o filaturo.
Co’ sole, co’ viento e l’acquazzone,
chi è ca’ nun’ se ricorda ancora
‘e guagliuni quasi criature,
‘a rota avevano vutà, primma ‘e ì ‘a scola.
Ed è il lavoro della gente onesta,
sentivo sulo ‘a voce ‘e chi filava:
<<vota! ferma! stuorna! e lieva ‘o filo!
te spacco ‘a capa si po’ vengo loco>>.
D’ ‘a mattina ‘a sera cheste erano ‘e parole
e tutt’ ‘e juorne ‘a solita canzone
e quanno ‘o viento forte cà ‘nzellava
‘a colpa era do’ guaglione cà vutava.
Cò friddo ‘e mane se gelavano,
chiano chiano pure ‘a rota se fermava.
‘O filo senz’ ‘a vota se sturnava
e là sentivi ‘e lucchi addò arrivavano.
Nù cazunciello curto, nù pare ‘e zucculilli.
si usciva da una guerra infame.
<< Vota!... vota! stuorna! ferma e vutt’ ‘e mane!
si nò stasera nun’ te donco ‘o pane!>>.
